Norðurlendskar upplivingar í virðisløntari matstovu

Í heiðraðu gourmet-matstovu okkara, Munkastovu, er huglagið gott og norðurlendsku rættirnir mangir. Vit stremba eftir at brúka vistfrøðiligar og burðardyggar vørur úr okkara egna landi og havi.

Máltíðir, ið kunnu bíleggjast áðrenn fráferð:  

  • Miðmáli, sum er tvey leskilig smyrjibreyð, ein føroyskur snapsur og dessert við kaffi/te.
  • 3-rætta matskrá um kvøldið. Kokkurin setir matskránna saman og tryggjar eina framúrskarandi matuppliving. 

Til ber at uppstiga til 5 ella 7 rættir umborð, eins og til ber at bíleggja vegetariskar rættir og rættir uttan gluten og laktosu.

Bílegg á tlf. 345900 ella booking@smyrilline.fo. Upplýs bókingarnummarið við bílegging.

Faroe Best Awards

Munkastova fekk tvær Faroe Best-heiðurslønir í 2021. 

· Fish & Shellfish + Fermented of the Year

· Dessert/Patisserie of the Year

Harumframt varð Janus Einar B. Sørensen, høvuðskokkur hjá Smyril Line, krýndur ársins kokkur 2021.

 

Faroe Best Awards.

Støkk inn á gólvið í Munkastovu


Støkk inn á gólvið í Munkastovu.

Upprunin til navnið Munkastova

Matstovan eitur eftir tí elsta húsinum á Tinganesi. Munkastova er eitt av fyrstu reyðmálaðu húsunum, tú kemur til, tá tú gongur av Reyni út á Tinganes. Hon er helst bygd fyri 16. øld og hevur verið millum hábærsligastu húsini í Havnini.

Navnið á Munkastovu hevur als onki við munkar at gera, men kemur frá tí gamla navninum Murkoven frá 1619, sum sipar til teir dupultmúraðu útveggirnar. Tað var bert í miðaldarliga bispasætinum í Kirkjubø, at hesin mátin at laða varð nýttur í Føroyum. Laðað er við stórum steinum, og millum teir eru kílað smá, fløt klípi. Múrbindievnið er skilpur, sum er framleitt við skelsandi og knústum djórabeini. 

Nógvar teoriir eru um, hvat Munkastova er blivin brúkt til. Møguliga er hon bygd til at vera kirkja, tí tað sigst, at gudstænasta hevur verið hildin har. Ein onnur teori er, at Munkastova er bygd til høvuðssæti hjá hanseatunum. Teir vóru týskir handilsmenn, sum síðst í miðøld høvdu einahandilin í Føroyum. Tað sigst eisini, at skattur er savnaður inn í Munkastovu. Skatturin fyrr hevur verið goldin í millum øðrum saltfiski, lýsi, hosum og troyggjum.

Munkastova var eitt av heilt fáu húsunum, sum ikki brendi undir stóra eldinum í 1673, har allir bygningarnir sunnan fyri Munkastovu brendu. Søgur gingu tá um, at eldurin var ásettur fyri at fjala, at óskil var í roknskapinum hjá einahandlinum.

 

 

Munkastova - Prísir 2023 Vaksin Børn (3-11 ár) Tíð

Miðmáli við dessert

: DKK 275

Sitingar:12:00 /

Borðið er bílagt í 1 tíma

3-rætta matskrá

: DKK 499

Sitingar:17:30 / 18:00 / 19:45 / 20:00 /

Í vetrarsigling bara kl. 18:00

Borðið er bílagt í 2 tímar

Barnamatskrá

: DKK 299
*

Melda til tíðindabræv

Ynskir tú at móttaka tíðindabrøv frá Smyril Line við góðum tilboðum og íblástri til tína næstu ferð við Norrönu?

Katalog

Translate_Please_enter_your_credentials_to_receive_your_free_catalogues

Ja, eg vil fegin móttaka tíðindabrøv frá Smyril Line.