Treytir og kunning 2022
(Sí Treytir og kunning 2021 longri niðri á hesi síðu)

Skráseting/Niðurstøða av sáttmála

Sáttmálabundnu skyldurnar millum kundan og Smyril Line (SML) byrjar við skráseting/tá ið váttan fyri keyp verður skrivað út. Hesar vanligu treytir eru mettar sum partur av sáttmálanum, um einki annað er staðfest. Tað, sum stendur í skránni, lýsingarheftum og siglingarlistum hjá SML/ella í øðrum marknaðartilfarið viðvíkjandi pakkarferðini, sum talan er um, er partur av avtaluni um pakkaferðir, um onnur avtala ikki er gjørd. Fyri at vera galdandi, skulu allar serligar avtalur, ið snúgva seg um serstakan tørv hjá kundanum, standa í avtaluni.

Bíleggingar

Ferðandi hava sjálv ábyrgdina av at tryggja sær, at faktura/lýsingin av ferðini svarar til bíleggingarnar. Tann ferðandi hevur ábyrgdina av at tryggja sær, at SML hevur rætta navnið, ið samsvarar við passið hjá tí ferðandi, sum tað stendur, tá ið bílegging er framd. Ferðandi skulu geva SML eitt telefonnummar ella eina teldupostadressu, ið kann røkkast á allari ferðini. Tá ið ferðaseðlar verða bílagdir, skulu upplýsingar um ferðandi við skerdum kropsligum ella mentalum førleikum fylgja við, um tey hava tørv á hjálp við hesum trygdarvegleiðingum. Sí reglur viðvíkjandi “check-in”, tá ið tú ferðast við serligum tørvi. 

Ferðaskjøl

Øll ferðandi skulu hava røttu ferðaskjølini við og vera til reiðar at vísa tey, um biðið verður um tað. Ferðandi hava sjálv ábyrgdina av øllum kostnaði, ið kann standast av, at ferðandi verða sýtt atgongd, um tey ikki hava ferðaskjøl. Rátt verður ferðandi til at hava gildugt pass við sær, av tí at passið er einasta góðtikna prógvið, tá ið ferðast verður altjóða. Eitt gildugt pass krevst fyri at ferðast inn og úr Schengen-økinum. Hevur ein ferðandi ikki ES-pass, skal hetta nevnast, tá ið bílagt verður. 

Reglur fyri børn

Øll ferðandi undir 16 ár skulu ferðast saman við foreldrum, øðrum av foreldrunum ella lógligum verja. Ferðandi í aldrinum 16 til 18 ár skulu hava skrivligt loyvi frá foreldrum, øðrum av foreldrunum ella lógligum verja, áðrenn tey kunnu ferðast. 

Prísir

Við í øllum prísum eru avgjald og skattur. Prísirnir standa í kr. Pinkubørn (0-2 ár) ferðast ókeypis. Fyri allar bíleggingar við bili og motorsúkklu, er loyvda hæddin fyri akfør í mesta lagi 1,90 metrar, íroknað viðføri á takinum og lofti, og loyvda longdin er í mesta lagi 5,0 metrar, um annað ikki er staðfest. Eykagjald krevst fyri øll akfør, ið eru størri enn hetta, og fyri kampingvognar, viðfestivognar, o.s.fr.

Pakkaferðir v. innivist, úferðum o.s.fr.

Prísir á ferðapakkum við innivisti á landi, ið standa fyri hvønn persón, eru galdandi fyri tvey vaksin, ið ferðast saman, um annað ikki er staðfest.

Innivist á hotellum og gistingarhúsum er í dupultkamari. Tey, ið ferðast einsamøll, gjalda eyka fyri einakamar. Allir prísir fyri vistarhús eru galdandi fyri kømur við fleiri sengrum. Gev gætur, at har eru fleiri ymiskar reglur um soviposar á ymsu ferðamálunum. Tú kanst hava seingjarklæði við ella leiga tey.

Frítíðarhús í Íslandi hava seingjarklæði, handklæði, hita og streym. Fólk mugu sjálv gera reint. 

Á komudegi er vanliga innskrivingartíð frá 14:00 til 16:00 og fram. Útskriving er vanliga í seinasta lagi kl. 11:00 á fráferðardegnum. 

Innivist á ferðamálum er sum lýst í skránni/ferðaváttanini. SML hevur rætt til at vísa ferðandi til annan samsvarandi ella betri innivist í nánd. SML hevur eisini rætt til at vísa ferðandi til samsvarandi ella betri ferjur/skip. 

Útferðir, máltíðir, drekkivørur, innivist á landi – og tænastur, ið fylgja við – flutningur ella ferðing á landi, eru ikki við í prísunum, um einki annað er staðfest.

Prísir fyri børn (aldur 3-11) sum bara eru fyri flutning og (aldur 3-11) fyri pakkaferðir við innivisti eru grundaðir á innivist við egnari koyggju ella ella eyka song í kahúttini/kamarinum hjá foreldrunum. Børn (aldur 0-2) ferðast ókeypis, um tey ikki hava egna koyggju/song. Eyka koyggjur/sengur eru at fáa fyri sama prís sum fyri børn (aldur 3-11), bara fyri flutning og (aldur 3-11) fyri pakkaferður við innivisti. Har er í mesta lagi ein song fyri eitt dupultkamar. Tvær eyka sengur kunnu bara fáast á nøkrum fáum hotellum og bara eftir umbøn. Ein eyka song kann vera ein sofa ella madrassa o.s.fr.

Gjalding

Gjaldstreytir

  • Fyri bíleggingar gjørdar meiri enn 30 dagar undan fráferð, skal fyrsta gjaldið upp á 25% av prísinum – tó í minsta lagið kr. 3.000,- gjaldast SML undir bílegging. Restin skal gjaldast SML í seinasta lagi 30 dagar undan fráferð.
  • Fyri bíleggingar, gjørdar minni enn 30 dagar undan fráferð, skal fulla upphæddin gjaldast SML undir bílegging.
  • Tá ið talan er um ferðir, ið hava virði upp til kr. 3.000,- skal fulla upphæddin gjaldast SML undir bílegging.

Serligar gjaldstreytir eru galdandi fyri bólkar.

SML hevur rætt til at hækka prísin fyri pakkaferðir, áðrenn sáttmálin er úti, um broytingar eru í t.d. flutningskostnaði, bensinprísum, skatti, gjaldi ella gjaldoyrakursi, ið verður brúkt til at rokna prísirnar.

Tá ið flutt verður gjøgnum banka, skal bíleggingarnummarið nevnast.

Broytingar eftir bílegging

Bara flutningur

Allar broytingar valdast, hvussu nógv pláss er umborð.

Broytingar av fráfarðardegi, bæði fyri komu og fráferð og fyri talið á ferðandi:

  • Broytingar gjørdar í seinasta lagi 30 dagar undan fráferð hava við sær ein fyrisitingarkostnað upp á kr. 200,- fyri hvønn persón og hvørt akfar saman við møguligum prísbroytingum. Fyrisitingarkostnaðurin verður goldin SML, tá ið broytingin fer fram.
  • Broytingar, sum eru gjørdar minni enn 30 dagar undan fráferð, men meira enn 7 dagar undan fráferð, hava við sær ein fyrisitingarkostnað upp á kr. 400,- fyri hvønn persón og hvørt akfar saman við møguligum prísbroytingum. Broytingar, ið hava við sær eina verri bílegging (færri ferðandi, avlýsing av bili, innvist o.s.fr) eru mettar sum avlýsingar. Sí treytir viðvíkjandi avlýsing.
  • Broytingar gjørdar 7 dagar ella minni enn 7 dagar undan fráferð, men meira enn 4 dagar undan fráferð hava við sær ein fyrisitingarkostnað upp á kr. 850,- fyri hvønn persón og hvørt akfar + 10% av ferðaprísinum. Hava broytingar við sær versnaða bílegging (færri ferðandi,  avlýsing av bili, innivisti o.s.fr.), hevur SML rætt til at eiga prísmunin. Fyrisitingarkostnaðurin verður goldin SML, tá ið broytingin fer fram.
  • Broytingar gjørdar fjórða ella færri enn 4 dagar undan fráferð hava við sær ein fyrisitingarkostnað upp á kr. 1.200 fyri hvønn persón og hvørt akfar akar + 10% av ferðaprísinum. Hava broytingar við sær versnaða bílegging (færri ferðandi, avlýsing av bili, innivisti o.s.fr.), hevur SML rætt til at eiga prísmunin. Fyrisitingarkostnaðurin verður goldin SML, tá ið broytingin fer fram.
  • Navnabroytingar hava við sær ein fyristingarkostnað upp á kr. 200 fyri hvønn persón.

Pakkaferðir til Danmark og Íslands

Broytingar í ferðapakkum hava við sær eitt eykagjald upp á kr. 185,- fyri náttina fyri hvørt kamar saman við møguligum prísbroytingum.

SML hevur rætt til at hækka prísir eftir bílegging, um broytingar eru í flutningskostnaði, tað veri seg bensin, skattur, gjøld, ávísar tænastur, gjaldoyrakursur o.s.fr..

Avlýsingartreytir

Bara flutningur (komandi og farandi)

  • Verður avlýst upp í 31 dagar undan fráferð, verða 10% av ferðaprísinum mist, tó ikki minni enn kr. 300,- fyri hvønn persón.
  • Verður avlýst millum 30 og 15 dagar undan fráferð, verða 50% av ferðaprísinum mist, tó ikki minni enn kr. 300,- fyri hvønn persón.
  • Verður avlýst millum 14 og 7 dagar undan fráferð, verða 75% av ferðaprísinum mist.
  • Verður avlýst minni enn 7 dagar undan fráferð, verða 100% av ferðaprísinum mist.

Pakkaferðir

  • Verður avlýst upp í 31 dagar undan fráferð, verða 10% av ferðaprísinum mist, tó ikki minni enn kr. 300,- fyri hvønn persón og kr. 185,- fyri náttina fyri hvørt kamar.
  • Verður avlýst millum 30 og 15 dagar undan fráferð, verða 50% av ferðaprísinum mist, og ein fyrisitingarkostnaður upp á kr. 350,- fyri hvønn persón verður lagdur aftrat.
  • Verður avlýst millum 14 og 8 dagar undan fráferð, verða 75% av pakkaprísinum mist og ein fyrisitingarkostnaður upp á kr. 350,- verður lagdur aftrat.
  • Verður avlýst minni enn 8 dagar verða 100% av pakkaprísinum mist. 
  • Avlýsingargjald kann vaksa, um hotell krevja størri gjald fyri avlýsingar. 

Broytingar/avlýsing frá SML undan fráferð

Ferðandi hava rætt til dagføringar í sambandi við komur og fráferðir. Upplýsing um komu/fráferð fæst á smyrilline.fo. Avlýsir SML pakkaferðina áðrenn fráferð, og hon ikki kann fullførast sum avtalað, skal kundin hava boð um tað skjótast til ber. Hetta er tó ikki galdani fyri smáar broytingar. Samstundis sum broytingar/avlýsingar eru kunngjørdar, skal SML siga kundanum frá um møguleikan fyri at klaga. Kundin kann slíta avtaluna og fáa eina og hvørja upphædd endurgoldnað, sum er goldin sambært avtaluni, ella vera við í eini aðrari pakkaferð eftir egnum vali, um hetta ikki kostar SML ov nógv sammett við upprunaligu avtaluna. Kundin skal boða SML frá broytingini, áðrenn hóskandi tíð er farin. 

Ger kundin av at vera við í eini pakkaferð, ið hevur størri virði enn tann upprunaliga bílagda, skal kundin gjalda munin. Hevur pakkaferðin minni virði enn tann upprunaliga bílagda, skal SML endurrinda munin. Ábyrgd og undantøk hjá SML, um broytingar eru o.s.fr.: Er kundin fyri fíggjarligum missi vegna broytingar frá SML ella vegna avlýsta pakkaferð, hevur kundin rætt til endurgjald sambært vanligum endurgjaldsreglum, uttan so, at avlýsingin/hallið er farin fram, tí at talið á ferðandi, sum eru nevnd í avtaluni, ikki er skrásett – at eitt ávíst prosent av ferðandi ikki er nádd, og at SML hevur sagt kundandum frá hesum í mesta lagi 14 dagar undan fráferð (boðast kann frá innan styttri tíð, um talan er um styttri úferðir/busstúrar) ella um hallið hevur staðist av einum triðja parti ella uttanhýsis umstøðum, sum einki hava við pakkaferðina at gera, har SML – ella nakar, sum SML hevur ábyrgdina fyri – kundi vita frammanundan, við at vísa varsemi, tá ið avtalan varð gjørd, ella kundi verið sloppin undan teimum i.e. force majeure ella umstøðum, ið líkjast force majeure. SML er ikki partur av lógligu, uttanveltaðu ábyrgdini, sum kann liggja hjá berarum, hotellum og øðrum luttakarum. SML tekur ikki ábyrgd fyri óviðkomandi skaða á persón ella fyri burturmis, stolið ella oyðilagt viðføri o.s.fr. Ferðareglurnar hjá SML eru galdandi fyri skipsferðina. Víst verður til tíðarætlanina.

Klagur og avmarkað ábyrgd: Heldur kundin, at okkurt brek er við ferðini ella ferðamálinum, skal hann siga SML ella tænastuveitaranum frá, so at tey fáa rættað brekið. Eitt brek hendir, um tann ferðandi ikki fær tær tænastur og avrik, sum eru staðfest í skrá, lýsingum ella serliga avtalur við SML og standa á kvittanini; ella um avrikini eru av verri góðsku enn avtalað ella lovað. Skal SML rættað brekið, kann kundin ikki krevja eina tillagaða niðurseting av prísinum ella slíta avtaluna. Kann SML vera fyri einum ovurstórum tapi ella týðandi skaða við at rætta brekið, kann víst verða til kundan at fáa eina samsvarandi prísniðurskurð ella at avlýsa. Krøv um endurgjald skulu gevast SML ella millumgongupartinum innan rímiliga tíð, tá ið ferðin er av. Samstundis avmarkar SML abyrgd sína av brekum og skaða í sama mun sum hesir millumtjóðasáttmálar, ið kunnu vera galdandi fyri tænastuveitarar, ið hava skyldina av brekinum í pakkaferðini: fyri loftvegis flutning: Warszawavasáttmálin; Fyri sjóvegis flutning: Athensáttmálin; Fyri tokflutning: Sáttmálin um altjóða jarnbreytarflutning. Vanlukkutrygging fyri ferðandi: Av tí at sera smá endurgjøld ofta verða goldin sambært altjóða sáttmálum, og av tí at tann ferðandi skal gjalda allan kostnað, ið hevur við heilsurøkt og flutning við sjúkrabili at gera, mæla vit til, at ferðandi fáa sær ferðatrygging. Spyr ferðaráðgevar okkara.

Útferðir

SML hevur rætt til at broyta ella avlýsa útferðir vegna veður. Er ein útferð avlýst, rindar SML goldnu útferðina aftur umborð á Norrönu ella tá ið ferðandi kemur aftur av ferðini. 

Flutningur við øðrum veitarum

Fyri keyp av øðrum flutningstænastum, umvegins SML, kunnu aðrar treytir vera galdandii. Hesar treytir, verða upplýstar tá ið vøran/tænastan verður keypt. 

Ferðatíðir

Allar ásettar tíðir eru lokalar og bundnar av veðrinum. SML hevur rætt til at broyta tíðarætlanina. Ferðandi skulu dagføra seg sjálv um fráferðartíðar og møguligar broytingar á heimasíðu okkara www.smyrilline.fo.

Vetrarsigling til Íslands

SML leggur altíð ætlanir fyri tryggari sigling. Eru umstøðurnar ímóti, mugu vit møguliga broyta siglingarætlan eftir hesum.

Forðar veðrið og/ella tekniskir trupulleikar fyri tryggari sigling millum Føroyar, Ísland og Danmark, hevur SML rætt til at broyta siglingarætlan, so vit sigla fyrr ella seinni enn ætlað. SML hevur rætt til at avlýsa fráferðir.  

Um M/S Norröna siglir fyrr ella seinni enn ætlað, ella um fráferð er avlýst, er SML ikki pliktað til at rinda endurgjald, gjalda fyri annað slag av flutningi, ella at bjóða ókeypis innivist. Ferðandi hava ábyrgdina av hesi útreiðslu. SML kann tó bjóða ferðandi, ið liggja føst í Føroyum, ókeypis innivist umborð á M/S Norrönu. Tó verður rímiligt gjald fyri máltíðir kravt. Liggja ferðandi føst í Íslandi, hevur SML ikki ábyrgdina av útreiðslum, ið kunnu standast av hesum

Dømi: Um ein vika fer, uttan at Norröna kemur til Seyðisfjarðar í Íslandi, og ein ferðandi umborð á Norrönu vil sleppa skjótari til Íslands, rindar SML ikki fyri flogferð; ferðandi hava sjálv ábyrgdina av øðrum ferðaætlanum. Um ein ferðandi harafturímóti ferðast við bili og vil hava bilin fluttan til Íslands, tryggjar SML – saman við tí ferðandi – at bilurin verður sigldur ókeypis til Seyðisfjarðar í Íslandi á næsta túri.

Ferðandi skulu dagføra seg sjálv um fráferðartíðar og møguligar broytingar á heimasíðu okkara smyrilline.fo. SML ger altíð sítt besta at siga ferðandi frá broytingum í siglingarætlan. Tí er umráðandi, at ferðandi geva SML eitt telefonnummar, sum altíð kann røkkast. 

Innskriving

Innskrivingartíðir eru at finna HER

Gev gætur, at fráferðartíðin er tann tíð/dagfesting, sum er skrivað á ferðaseðilin. SML hevur rætt til at avlýsa ferðir hjá fólki, sum ikki møta upp til innskriving, innan fyri innskrivingartíð. SML hevur rætt til at sigla so skjótt, sum innskriving er stongd. Eingin atgongd er til bildekkið, meðan siglt verður. Ferðandi hava sjálvi ábyrginda at fylgja við nær innskriving er og um broytingar eru. 

Serligur tørvur

Ferðandi við serligum tørvi verða biðin um at møta til innskriving í seinasta lagi 2 tímar undan fráferð. Sig innskriving frá, hvat tín serligi tørvur er fyri at fáa tað best møguligu tænastu; so at tú sleppur at seta bilin nær við lyftina umborð, hjálp at koma til og frá kahúttini til fólk við serligum tørvi, o.s.fr. Hóast vit gera okkara besta, kanst tú vænta at bíða í sambandi við fráferð og komu.

Um ein ikki møtir upp

Pliktir kundans – um ein ikki møtir upp – óbrúktar tænastur: Hevur kundin ikki avlýst ferðina, og/ella tann ferðandi ikki er til staðar staðfestu tíð á staðfesta stað til fráferð og heimferð, ella um kundin ikki kann byrja ella enda ferðina vegna vantandi ferðaskjøl, t.d. gildugt pass, neyðugt visum ella prógv um koppseting o.s.fr., hevur SML rætt til at krevja fulla prísin fyri ferðina. Hetta er eisini galdandi, um kundin er burturvístur vegna endurtikið grovt ósketni yvir fyri reglurnar hjá veitara, hotellum o.s.fr.. Um ferðandi ikki møtir upp við ásetta akfarið, ella als ikki brúkar tænasturnar í ferðini, kann hann ikki krevja endurgjald fyri óbrúktar tænastur (hettar burdi verið óneyðugt í føroyum) 

Tá ið farið verður úr kahúttunum

Kahúttirnar er til taks inntil 2 tímar áðrenn lagt verður at. Tíðin, tá ið tú skalt fara úr kahúttini, kann vera skiftandi og verður kunngjørd umborð.

Trygd

Av trygdarávum kann viðføri og akfør kannast áðrenn loyvi verður givið at koma umborð. Verður hetta noktað, sleppur tann ferðandi ikki umborð, og viðkomandi hevur ongan rætt til endurgjald. Viðføri, ið kann hava við sær serligan ampa ella vanda fyri skipið, fólk ella lutir, sleppur ikki umborð. Veitarin hevur, við atliti at umstøðunum og uttan krav um endurrindan, rætt til at taka viðførið við í land, gera tað óskaðiligt ella beina tað burtur, um so er, at viðførið er komið umborð uttan, at veitarin veit av tí ella hevur góðkent tað skrivliga. Tann ferðandi kann ikki taka við sær viðføri ella lutir, ið kunnu metast sum trygdarvandi undir trygdarkodum hjá altjóða skipum og havnum. Um brot á omanfyri nevndu ásetingar gera, at skipið verður hildið aftur, avmarkað í virksemi sínum ella ber í sær bót til veitaran, skal tann ferðandi endurrinda veitaran fyri ein og hvønn kostnað – við, men ikki avmarkað til tap av inntøku. Tann ferðandi skal akta allar lógarreglur og altjóða avtalur, ið hava samband við flutning av vandamiklum lutum/viðføri.

Reglur um royking

Royking er bara loyvd í Hjallinum, roykiøkinum á dekk 9. Henda avmarking er galdandi fyri bæði ferðandi og manning. Tað er ikki loyvi at roykja í kahúttunum. Brot á hesar reglur verður sektað við bót upp á kr. 1.500,-

Farmur

Bilar uttan førarar/skrásetingarnummar, skulu bókast sum farmur. Víst verður til Smyril Line Cargo á tlf +298 309600 ella cargo@cargo.fo.

 

Treytir og kunning 2021

Tilmelding/avtalusemja

Sáttmálaviðurskiftini millum kundan og Smyril Line (SML) verða avgreidd við tilmelding og við at skriva út ferðafólkaváttan. Hesar „Vanligu treytir“ verða mettar sum partur av avtaluni, um ikki annað er avtalað. Tað, sum stendur í skránni, lýsingablað og ferðaætlan og/ella øðrum marknaðar røktartilfari hjá SML um viðkomandi ferð, verður mett sum partur av avtaluni, um ikki annað er avtalað. Seravtalur við støði í serligum ynskjum hjá kundanum skulu – fyri at galda – verða ávístar í avtaluni.

Bílegging

Kundin skal sjálvur tryggja sær, at tað, sum stendur á ferðaskjali samsvarar við tað, sum hann hevur bílagt. Ferðafólk hava sjálvi ábyrgdina av, at SML fær røtt nøvn, sum samsvara við passið hjá teimum ferðandi.

Gevið gætur! Tað er sera umráðandi, at kundin upplýsir telefon ella teldupost, sum kann røkkast, meðan kundin er burturstaddur, so SML kann boða kundanum frá um siglingarætlanin verður broytt.

Børn og ung

Øll ferðandi undir 16 ár skulu ferðast við foreldrum ella verja. Ferðandi millum 16-18 ár kunnu ferðast einsamøll, um tey hava skrivliga váttan frá foreldrum ella verja.

Prísur fyri ferðina

Allir prísir eru í donskum krónum.

Á øllum ferðum, ið eru bílagdar við egnum persónbili ella motorsúkklu, er hæddin í mesta lagi 1,90 m íroknað takviðføri og antennu, og longdin er í mesta lagi 5,0 m, um ikki annað er uppgivið. Eykagjøld eru fyri akfør við størri máti og fyri húsvognar, viðfestivognar o.a. Barnaprísir (3-11 ár) er roknað til børn, sum sova í egnari koyggju í kamari hjá foreldurm/verja.

Pinkubørn (0-2 ár) ferðast ókeypis, um tey ikki brúka egna koyggju. Um koyggja ynskist til pinkubørn, gjalda tey sama prís, sum børn 3-11 ár.

Í 4-koyggjukamar loyva vit í mesta lagi 4 vaksnum og 2 børnum (3-11 ár) inn.
Í 2-koyggjukamar loyva vit í mesta lagi 2 vaksnum og 1 barni (3-11 ár) inn.

Tað ber til at bíleggja eyka dýnu og kodda í móttøkuni umborð. Eyka dýna kostar kr. 50 og eyka koddi kr. 30. Eisini ber til at leiga barnasong fyri kr. 150 í móttøkuni umborð. Barnasongin kann eisini bíleggjast fyri fráferð.

Prísbroytingar eftir, at avtalan er gjørd

SML hevur, eftir at avtalan er gjørd, rætt til at hækka kostnaðin, um økingin stendst av broytingum í flutningskostnaði, herímillum brennievnisprísi, skatti, avgjaldi, samsýning fyri ávísa tænastu, eitt nú flogvallar-, havnar-, lendingar- ella startavgjaldi ella gjaldoyrakostnaði, ið eru brúkt til at rokna út kostnaðin á ferðini. Seinni prísbroytingar, bæði upp og niður, t.d. at flogvallaravgjald minkar ella veksur, hava við sær, at ferðakostnaðurin minkar ella veksur samsvarandi. Tann avtalaði prísurin kann tó ikki verða øktur við meiri enn 10% av ferðaprísinum; og fráboðan um hetta skal vera komin fram til kundan skjótast til ber og í seinasta lagi 20 dagar fyri fráferð. Um treytirnar fyri eini príshækking ikki eru loknar, kann kundin ógilda avtaluna og fáa inngoldnan pening aftur.

Tá viðskiftafólk vilja broyta ferðina aftaná, at ferðaseðil er keyptur

Broyting av skipsferð: Dato, tal av ferðafólki og navni

  • Seinast 30 dagar fyri fráferð, er broytingargjaldið 100,- kr. pr. pers. + møguligar príshækkingar. Broytingargjald skal gjaldast samstundis, sum broytingin verður gjørd.
  • Minni enn 30 dagar fyri fráferð, men meir enn 7 dagar fyri fráferð er broytingargjaldið 200,- kr. pr. pers. + møguligar príshækkingar. Um ferðin kemur at kosta minni enn upprunaliga bílagt, fellur munurin burtur. Broytingin skal gjaldast samstundis, sum broytingin verður gjørd.
  • Minni enn 7 dagar fyri fráferð, men meir enn 4 dagar fyri fráferð er broytingargjaldið 400,- kr. pr. pers. + 10% av ferðaprísinum. Um ferðin kemur at kosta minni enn upprunaliga bílagt, fellur munurin burtur. Broytingin skal gjaldast samstundis, sum broytingin verður gjørd.
  • Broyting av út- ella heimferð á 4. degi ella minni enn 4 dagar fyri fráferð, er broytingargjaldið 600,- kr. pr. pers. + 10% av ferðaprísinum. Um ferðin kemur at kosta minni enn upprunaliga bílagt, fellur munurin burtur. Broytingin skal gjaldast samstundis, sum broytingin verður gjørd.

Tá ið talan er um pakkaferð (skipsferð + uppihald) verða umframt lagdar kr. 100 afturat í broytingargjaldi fyri kamarið fyri hvørja nátt + møguligar príshækkingar.

Í tíðarskeiðinum 1. november til 28. februar er broytingargjaldið 100,- kr. pers. Broytingargjald skal gjaldast samstundis, sum broytingin verður gjørd. Tematúrar undantiknir, teir koma undir omanfyristandandi treytir.

Gjaldstreytir

Verður bílagt meira enn 30 dagar fyri fráferð, skal 1. avdráttur, 25 % av ferðaprísinum, tó minst kr. 3.000, verða goldin SML við bílegging ella í seinasta lagi 7 dagar eftir bíleggingin er gjørd. 2. avdráttur skal vera SML í hendi í seinasta lagi 30 dagar fyri fráferð.

Verður bílagt styttri enn 30 dagar fyri fráferð, verður allur prísurin fyri ferðina goldin við bílegging ella tá ið pláss verður staðfest, og í seinasta lagi 48 tímar eftir plássváttan.

Ferðir og tilkeyp, ið hava virði upp til kr. 3.000, skulu gjaldast við bílegging.

Sertúrar skulu gjaldast við bílegging.

Hesar gjaldstreytir eru eisini galdandi fyri internet bíleggingar. Verða omanfyri nevndu treytir ikki hildnar, kannar SML sær rætt til at ógilda tað bílagda og krevja gjald sambært reglum um avlýsing.

Bólkar

Fyri bólkar eru serligar gjaldstreytir galdandi.

Gjaldskort

Tá goldið verður við gjaldskorti, krevur PBS/DIBS eitt avgjald. Sí avgjøld her.

Flutt um banka

Verður goldið um banka, skal bókingar nummar (BN) viðmerkjast.

Bank Nordik, Oknarvegur 5, FO-110 Tórshavn tel +298 330330

Konto 6460-4932201 SWIFT FIFBFOTX, IBAN code FO11 6460 0004 9322 01

Avlýsingartreytir
 

Avlýsing av skipsferð

  • Verður avlýst minst 31 dagar fyri fráferð, verður 1. avdráttur afturgoldin minus kr. 300 í avgreiðslugjaldi fyri hvønn.
  • Verður avlýst 30-15 dagar fyri fráferð, eru 50% av ferðaprísinum mist, tó ikki minni enn kr. 300 fyri hvønn.
  • Verður avlýst 14-7 dagar fyri fráferð, eru 75% av ferðaprísinum mist.
  • Verður avlýst styttri enn 7 dagar fyri fráferð, hevur SML rætt til at rokna sær allan prísin fyri ferðina.

Avlýsing av pakkaferð

  • Verður avlýst minst 41 dagar fyri fráferð, verður 1. avdráttur afturgoldin minus kr. 350 í avgreiðslugjaldi fyri hvønn.
  • Verður avlýst 40-15 dagar fyri fráferð, eru 50% av ferðaprísinum mist umframt kr. 350 í avgreiðslu gjaldi fyri hvønn.
  • Verður frásagt 14-7 dagar fyri fráferð, eru 75% av ferðaprísinum mist umframt kr. 350 í avgreiðslugjaldi fyri hvønn.
  • Verður avlýst minni enn 7 dagar fyri fráferð, hevur SML rætt til at rokna sær allan prísin fyri ferðina.

Verða uppihald ella aðrar pakkaloysnir avlýstar, og SML ikki fær hettar afturgoldnar frá veitaranum, hevur SML rætt til, umframt vanligu avlýsingartreytirnar hjá SML, at rokna sær tað, ið svarar til prísin á pakkanum.


Avlýsing av bólkaferð

Serligar avlýsingartreytir eru galdandi fyri bólkar.

Avlýsingaravtala

SML skal, tá ið avtalan verður gjørd, geva upplýsingar um møguleikarnar fyri at tekna eina avlýsingaravtalu fyri 5% av ferðaprísinum. Verður ferðaprísurin afturgoldin, verður roknaða gjaldið fyri avlýsing drigin frá. Avlýsingaravtalan tekur við, um kundin í stóran mun verður tarnaður orsakað av deyða ella ringari, brádliga íkomnari sjúku/løsti, ið krevur innlegging á sjúkrahús, læknakravdari sjúkrarøkt, ella tað, ið kann sammetast við hetta (t.d. innbrot), hjá kundanum sjálvum ella hjá hjúnafelaga ella maka, foreldrum ella verforeldrum, børnum ella barnabørnum, systkjum, ommum og abbum, svigarinnu, svági, fylgisneyta, treytað av, at læknaváttan ella løgreglufrágreiðing verður útvegað innan 7 dagar eftir avlýsing. Treytin fyri, at tryggingin tekur við, er, at tann ferðandi skjótast til ber verður læknakannaður – antin hjá egnum lækna ella vaktarlækna. Kundin hevur skyldu til alt fyri eitt ella so skjótt, sum til ber, ella tá tilburður elvir til endurgjald, at ógilda bíleggingina.

Djór

Tað er ikki loyvt at taka djór við til Íslands. Fyri serstakt gjald er loyvt at taka kelidjór við úr Føroyum til Danmarkar. Hetta er undir egnari ábyrgd og serligum treytum eftir avtalu við SML. Til hetta endamál hava vit djórabúr umborð á dekk 7, ið skulu bíleggjast áðrenn fráferð. Kelidjór skulu verða í djórabúrum á dekki 7. Tað er bert loyvt at taka djór við úr Danmark til Føroya, um steðgað verður í minst 3 mánaðir. Nærri kunning á hfs.fo.

Tað er ikki loyvt at hava hundar/ kelidjór í kamarinum umborð. Verður hetta ikki tikið fyri fulla virðing, fær viðkomandi eina rokning á kr. 3.000 fyri reingerðing.

Egið frysti- og ferðagóðs

Egið frystigóðs upp í 50 kg ella hægst ½ m3 og egið ferðagóðs upp í 50 kg kann verða tikið við uttan eykakostnað. Tænastan er ókeypis og Smyril Line tekur onga ábyrd fyri vøruni, um so er at hon fær skaða og/ella verður oyðiløgd. Frystigóðs skal vera merkt við navni og bústaði. Í hesum sambandi skal verða víst á, at ein og hvør handilsligur flutningur av góðsi skal verða avgreiddur umvegis Smyril Line Cargo (á tel. nr. +298 309600 ella cargo@cargo.fo.

Broytingar/avlýsing hjá SML fyri fráferð

Um SML avlýsir eina ferð ella ikki fær ferðina í lag sum avtalað, skal kundin verða kunnaður um tað sum skjótast. Hetta er tó ikki galdandi fyri smábroytingar. Samstundis, sum broytingar/ avlýsingar verða fráboðaðar, skal SML upplýsa um kærumøguleikar. Kundin kann møguliga ógilda avtaluna og fáa aftur allan peningin, ið er inngoldin sambært avtaluni, ella fara aðra ferð eftir egnum vali, um ikki SML, uttan órímiligan kostnað ella miss, hevur hetta í boði. Kundin skal, innan rímiliga tíð eftir at hava fingið boð um broytingina, siga SML frá. Vil kundin heldur hava eina dýrari ferð, skal kundin gjalda prísmunin. Er ferðin minni verd enn tann, sum upprunaliga var bíløgd, skal SML rinda prísmunin aftur.

Ábyrgd og frælsi frá ábyrgd hjá SML í sambandi við broytingar

Um ein kundi verður fyri missi vegna broytingar hjá SML ella vegna avlýsta ferð, kann hann krevja endurgjald samsvarandi teimum vanligu endurgjaldsreglunum, uttan so, at ferðin verður broytt ella avlýst av tí at ov fá hava teknað seg, samanborið við talið á ferðandi, sum er ásett í avtaluni, at eitt ávíst leggingarprosent ikki er nátt, og SML ikki hevur boðað kundanum frá hesum í seinasta lagið 14 dagar undan fráfaringardegnum (í sambandi við stuttar útferðir/bussferðir kann styttri freist vera galdandi), ella at missurin stendst av triðjamanni, sum er ferðini óviðkomandi, ella umstøðum uttaneftir, og at SML ella onkur, sum SML hevur ábyrgd av, ikki við hóskandi nærlagni kundi havt roknað við hesum viðurskiftum, tá ið avtalan varð gjørd, ella komið sær undan ella vart seg fyri teimum, t.e. force majeure ella force majeure-líkar umstøður. SML er ikki partur av tí lógarásettu objektivt grundaðu ábyrgd, sum liggur á flutningsfeløgum, gistingarhúsum og øðrum, sum samstarvað verður við. SML átekur sær ikki ábyrgd av persónsskaða, sum óviðkomandi triðimaður er atvold í, ella av horvnum, stolnum ella oyðiløgdum viðføri / akfari o.t. Fyrivarni verður tikið fyri áseting av klokkutíð. Á skipsferðini eru flutningsreglurnar hjá SML galdandi.

Skyldur kundans, og hvørjar avleiðingar tað fær, um hann ikki møtir upp, ella ikki gagnnýtir tað, hann hevur goldið fyri

Um kundin ikki hevur avlýst ferðina og/ella tann ferðandi ikki møtir upp ásetta tíð og stað á fráferð ella heimferð, ella sleppur hann ikki við vegna vantandi ferðaskjøl, t.d. galdandi pass, neyðug visa ella koppsetingarskjøl o.t., hevur SML rætt til at áseta fullan prís fyri ferðina – uttan so, at skeivleikar eru í kunningini frá SML. Um kundin ikki møtir ásetta tíð á fráferðini, hevur SML rætt til at avlýsa heimferðina og møguliga aðrar partar av eini pakkaferð. Tað sama er galdandi, um kundin verður burturvístur vegna afturvendandi álvarslig brot á reglugerð hjá flutningsveitara, gistingarhúsi ella tílíkum. Um ein kundi ikki møtir ásettu tíð til flutning ella á annan hátt ikki nýtir tær tænastur, sum eru partar av ferðini, kann hann ikki krevja endurgjald fyri tær tænastur, hann ikki hevur gagnnýtt. Um tann ferðandi sjálvur hevur teknað seg til eina útferð ella á annan hátt fer burtur frá ferðalagnum, hevur hann skyldu at kunna seg um ásettu tíð fyri heimferðini. Um annað verður bílagt, sum ikki er knýtt at SML, skal kundin kunnað seg um treytir hjá tí felagnum.

Kærur og avmarking av ábyrgd

Um ein kundi verður varur við viðurskifti, sum ikki eru í lagi, skal hann skjótast til ber kæra til SML ella viðkomandi tænastuveitara, so at hesi hava høvi at fáa viðurskiftini í rættlag. Viðurskiftini eru ikki í lagi, um tann ferðandi ikki fær tær tænastur, sum í ferðaskránni, lýsingum ella serstøkum avtalum við SML eru tilskilaðar í ferðafólkaváttanini ella um tænasturnar eru á lægri støði enn tað, sum er avtalað ella tryggjað tí ferðandi. Um SML fær viðurskiftini í rættlag, kann kundin ikki krevja lutfalsligan avsláttur ella ógilda avtaluna. Um tað hevði havt við sær ov stórar útreiðslur ella munandi ampa fyri SML at fingið viðurskiftini í rættlag, kann kundin krevja lutfalsligan avsláttur í ferðakostnaðinum ella ógilda avtaluna. Endurgjaldskrav skal verða latið SML ella tænastuveitara í seinasta lagi 4 vikur eftir, at ferðin er liðug.

SML AVMARKAR SAMSTUNDIS ÁBYRGD SÍNA AV SKAÐUM OG AV VIÐURSKIFTUM, SUM IKKI ERU Í LAGI, Í SAMA MUN SUM HESIR ALTJÓÐASÁTTMÁLAR, SUM KUNNU GERAST GALDANDI FYRI TEIR TÆNASTUVEITARAR, IÐ STANDA FYRI TÍ ÓFULLFÍGGJAÐA PARTINUM AV PAKKAFERÐINI:

LOFTVEGIS FLUTNINGUR: WARSZAWA-SÁTTMÁLIN
SJÓVEGIS FLUTNINGUR: ATHEN-SÁTTMÁLIN
TOK-FLUTNINGUR: SÁTTMÁLIN UM MILLUMTJÓÐA JARNBREYTAFLUTNING

Av tí, at tað sambært altjóða sáttmálum ofta verða goldnar sera lágar upphæddir í endurgjaldi, og av tí, at tann ferðandi sjálvur skal standa fyri útreiðslum til læknahjálp, sjúkraflutning v.m., mæla vit til, at tann ferðandi teknar eina ferðatrygging. Spyrjið ferðaráðgevar okkara um hetta.

Í samsvar við ES-reglugerð nr. 392/2009 viðvíkjandi ábyrd hjá flutningsfeløgum av ferðandi sjóvegis, ið fevnir um Athen-millumtjóðasáttmálan vísandi til grein 8 fyri ábyrd hjá flutningsfeløgum fyri ein hvønn skaða, sum er atvoldin á eitt flutingstól, er galdandi ein sjálvsábyrd fyri tann ferðandi á SDR 330 (áleið Dkk 3000) – og henda upphæddin (SDR 330) verður trekt frá halli av skaða.

Ferðatíðir

Norrøna skipstíð er føroysk tíð (Greenwich Mean Time). Komu- og fráfaringartíðir, eru lokalar tíðir og ásettar við fyrivarni fyri veðurlíkindunum. SML kannar sær rætt til at broyta siglingarætlanina og broyta komu- og fráferðarhavn. Í Føroyum eru Kollafjørður og Klaksvík alternativar havnir. Í Danmark eru tað Frederikshavn og Hanstholm. Ferðandi hava skyldu at kunna seg um fráferð og møguligar broytingar á tlf. +298 345900 ella á heimasíðuni.

Innskriving

SML kannar sær rætt til at ógilda ferðir hjá persónum, ið ikki eru møttir rættstundis til innskriving. Ferðafólk skulu ikki vænta at fáa atgongd til bildekkið undir sigling. Vit gera vart við, at fráfaringartíð er løtan/dagurin, ið stendur á ferðaseðlinum, t.d. kl. 01.15 náttina sama dag. Uppgivin tíð er altíð lokal tíð. Ferðafólk mugu vera fyrireikað upp á bíðitíð í sambandi við innskriving og at koyra umborð og í land; t.v.s. at ferðafólk kunnu ikki vænta at vera komin í land ta tíðina, ið stendur sum komutíð.

Serligur tørvur

Rørslutarnað og ferðafólk við serligum breki skulu siga frá tí, tá ið bílagt verður, og somuleiðis skulu tey boða frá, tá ið tey verða innskrivað.

Barnakonur

Barnakonur kunnu sigla við Norrönu til barsilsviku 35. Hetta er tó altíð undir egnari ábyrgd. Millum barsilsviku 31 og 35 skal læknaváttan fylgja við. M/F Norröna hevur ongan lækna umborð.

Pass

Tað er sera umráðandi, at øll ferðandi hava við sær galdandi pass ella annað alment útgivið samleikaprógv við mynd. Um ferðandi ikki hava EU pass, skal hettar upplýsast við bílegging.

Úr kømrunum

Ferðafólk skulu fara úr kømrunum umleið 1½ - 2 tímar fyri komu. Tað kann tó vera øðrvísi; og tíðin verður kunngjørd umborð.

Viðføri

Mælt verður ferðandi við bili til bara at hava neyðugt viðføri við í kamarið. Goymsluskáp til viðføri eru á dekk 2 og 7. Støddin á skápunum er: 403x800mm og 503x900mm.

Prísurin fyri at brúka skápini er 20,- kr. fyri tey minnu skápini og 40,- kr. fyri tey størru skápini. Tað kostar hvørja ferð skápi verður lati upp.

Royking

Umborð á Norrönu er tað einans loyvt at roykja á roykiøkjuni Hjallurin á dekk 9. Brot á hesa reglu viðførir stóra bót. Verður hetta ikki tikið fyri fulla virðing, fær viðkomandi eina rokning á kr. 1.500 fyri reingerðing. 

Funnið fæ

Vinaliga set teg í samband við móttøkuna umborð á Norrönu á tlf. 344900 ella send ein email til reception@norrona.fo viðvíkjandi persónligum ognarlutum, sum eru gloymdir umborð.

Trygd

Av trygdarávum kunnu ferðafólk, viðføri og akfør verða kannað, áðrenn farið verður umborð. Ferðafólk mugu ikki hava við sær lutir ella viðføri, ið verður mett sum vandi fyri trygdina sambært altjóða reglum fyri havnir og skip, ella sum kann elva til ótryggleika ella bera í sær vanda fyri trygdina umborð. Alt eftir umstøðunum hevur reiðaríið skyldu og rætt til at koyra slíkt viðføri í land ella oyðileggja tað, um tað er komið umborð, uttan at reiðaríið veit av og hevur givið skrivligt loyvi. Ferðafólk hevur ikki rætt til endurgjald í slíkum føri. Um hendingar av hesum slag hava við sær útreiðslur, eitt nú at skipið skal verða hildið aftur, ikki fær siglt, sum tað eigur, ella virksemið umborð á annan hátt verður tarnað og inntøku missur stendst av, so hevur tann, ið elvdi til útreiðslurnar, skyldu at veita reiðarínum endurgjald. Fólki, ið er ávirkað av rúsløgi ella øðrum rúsevni, kann verða sýtt atgongd til skipið. SML hevur rætt til at vísa burtur ferðafólki, meðan farið verður umborð, ella at koyra ferðafólk í land á ferðini, er ferðafólkið eftir skiparans meting óskikkað til at ferðast ella kann koma sær sjálvum ella øðrum í vanda umborð. Ferðandi skulu akta ávísingar frá manningini. Burturvísing hevur ikki við sær endurgjald fyri goldnan ferðaseðil.

Flutningur við óheftum flutningsfeløgum í sambandi við pakkaferð

Fyri land- og flogflutning í sambandi við pakkaferðir við óheftum flutningsfeløgum kunnu galda aðrar ferðatreytir fyri partarnar í pakkaferðini hjá viðkomandi feløgum. Hesar reglur verða flýggjaðar út í sambandi við, at pakkaferðin verður bíløgd. Serliga reglurnar fyri møtitíðir, djór og ferðagóðs kunnu vera ymiskar frá felag til felag.

Frakt

Bilar uttan bilførðara/nummarplátu skulu bókast sum frakt. Víst verður til Smyril Line Cargo: Tel. +298 309600 ella cargo@cargo.fo

Lógval og varnating

Øll krøv móti felagnum skulu avgerast við rættin í Tórshavn vísandi til føroysku sjólógina.


Fyrivarni verður tikið fyri prentvillum og útseldum ferðum. 

Melda til tíðindabræv

Ynskir tú at móttaka tíðindabrøv?

Katalog

Translate_Please_enter_your_credentials_to_receive_your_free_catalogues