Sjóbúðin Tax & Duty Free

Shoppingmøguleikarnir eru góðir umborð - og prísirnir eru sera kappingarførir. Vit hava stórt úrval av vanligum tax-free sølulutum, og breitt úrval av designvørum.  

Handilsøkið við luktilsum, smyrsli, víni, rúsdrekka og góðgæti er sera stórt.
 

Sí 360° myndir & faldara

. . . . .

    Heitir pottar

    Kom og slappa av í flógvum norðuratlantssjógvi og njót frálíka útsýnið, í okkara rúmligu heitu pottum á dekk 7, ið verða hitaðir av avlopshita frá maskinrúminum. Vit hava 3 pottar, og pláss er fyri 6 fólkum í hvørjum potti.

    1 pottur (upp til 6 fólk) í 1 tíma: kr. 199

    · Bílegg tíð í móttøkuni, tá tú ert umborð. 
    · Baðikápur og inniskógvar fært tú til láns í móttøkuni. Tú rindar kr. 200 og fært kr. 150 aftur, tá tú letur tað innaftur.

    . . .

      Svimjihylur & fitness

      Forkela kropp og sál á dekki 1. Her finnur tú fitnessrúmið, hitarúmið og svimjihylin. Har eru nógvar maskinur og amboð at venja við og á. Hesar tænastur eru ókeypis.

      Svimjihylurin er ikki opin í vetrarsiglingini. Fitnessrúmið er opið allar dagar frá kl. 07.00 til 19.00 um viðrar.

      . . . . . . . . . .

        Hugni & happy hour

        At vera við Norrönu er stuttligt og sissandi í senn. Livandi tónleikur, framløgur og eydnuspæl eru fastir tættir. Eisini ber til at stytta sær stundir við borðspølum í Undirhúsinum - ella seta seg við eini góðari bók í fjálga lesikrókinum. Og hví ikki fara á barr umborð og gera sær dælt av happy hour?

        . . . . .

          Móttøkan

          Ígjøgnum summar–heyst og vár-hálvuna, er móttøkan opin alt samdøgrið. Í vetrarhálvuni er opið frá kl. 08.00 til kl. 22.00.

          Móttøkan hjálpir tær við: Vanligari kunning, uppstigan av kømurum, tax free afturgjaldi, goymsluskápi til ferðagóðs o.a.

          Í móttøkuni kanst tú keypa atgongd til netið, biografin og til hitapottarnar.


          Móttøkan.

          Biografur

          Norröna hevur ein biograf á 5. dekki har pláss er fyri 23 gestum. Atgongumerki kunnu keypast í móttøkuni. Í biografinum verða einans nýggir filmar vístir.
           
          Vaksin (16+): kr. 65
          Barn: kr. 50
          .

          Internet

          Internet fæst í samstarvi við Telenor Maritime. Bílegg á netinum tá tú ert umborð ella keyp ein internetseðil við kotu í móttøkuni. Kotan kann brúkast til fleiri tól, men bert til eitt tól í senn. Gjaldið er fyri tíðarskeiðið, tú hevur ynskt tær, og ikki fyri tímarnar tú er á netinum.

          Vinaliga gevið gætur, at tráðleysa internetið á sjónum hevur avmarkingar. Tí skalt tú rokna við, at internetið umborð arbeiðir munandi seinni enn á landi.

          Prísir
          4 tímar: 37,-
          19 tímar: 66,50,-
          36 tímar: 133,50,-
          55 tímar: 185,-
          7 dagar: 259,-

          .

          Spælipláss

          Norröna hevur eitt stórt og sera áhugavert spælipláss til børnini at bóltra sær í. Har er klintriborg, rusjibani, klintrineti o.a.

          . . .

            Playstation rúm

            Á dekk 6 kunnu tey ungu hugna sær við Play Station spølum saman við øðrum javnaldrum.

            . . .

              Fótbóltsvøllur

              Fótbóltsvøllurin er á dekki 9, úti á opnum dekki, og er opin frá kl. 12 til kl. 18.

              . .

                Spælimaskinur

                Á dekk 7 er eitt høli við nógvum spælimaskinum.

                .

                Djórabúr

                Umstøðurnar til djórini eru góðar. Rúmið er avlokað, vask við slangu og krana er lagt inn og eisini er hiti í rúminum. Vit hava 2 stór búr (H: 115cm, B: 80cm, D: 130cm), har djór upp til 110 cm kunnu búleikast, og 4 smærri (H: 55cm, B: 80cm, D: 130cm) har djór upp til 54 cm kunnu búleikast.

                Prísir
                Lítið búr (djór upp til 54 cm): kr. 300
                Stórt búr (djór upp til 110 cm): kr. 500

                . .

                  Katalog

                  Translate_Please_enter_your_credentials_to_receive_your_free_catalogues

                  Ja, eg vil fegin móttaka tíðindabrøv frá Smyril Line.