Ert tú áhugað/ur í einum starvi hjá Smyril Line, ert tú vælkomin at senda eina umsókn
Ert tú áhugað/ur í einum starvi hjá Smyril Line, ert tú altíð vælkomin at senda eina umsókn til okkara. Allar umsóknir verða viðgjørdar í trúnaði. Vinarliga nýt umsóknarformularin niðanfyri.
Tað er týdningarmikið, at tú so greitt sum gjørligt greiður okkum frá júst hvørjar uppgávur tú ert áhugað/ur í.
Um so verður, at eitt starv verður tøkt, sum vit meta, at tú hóskar væl til, seta vit okkum í samband við teg.
Sí tøk størv niðanfyri.
Smyril Line Cargo søkir eftir skrivstovulærlingi til útflutningsdeildina
Hevur tú eitt ynski um at arbeiða í flutnings- og handilsvinnuni og dagliga vera í samband við ymiskar føroyskar fyritøkur? So hava vit møguliga rætta læruplássið til tín.
Um læruplássið
Tú verður partur av einum dugnaligum toymi á 6 starvsfólkum á útflutningsdeildini, ið kemur at taka væl ímóti tær og læra teg upp – og í takt við lærutíðini fært tú meira ábyrgd. Vit ynskja at veita kundum okkara eina framúr tænastu og tí kunnu arbeiðstíðirnar vera skiftandi til tíðir. Læruplássið fevnir m.a. um hesar uppgávur:
Kundasamskifti, tænasta og søla via teldupost og telefon (og eisini kundavitjanum)
Avgreiða farmabrøv, tryggingarskjøl og heilsu- og upprunaváttan við fleiri
Ordramóttøka og avgreiða onnur flutningsskjøl
Um tú hevur áhuga fyri tí, kann tú eisini sleppa at royna teg við m.a. at greina útflutningstøl og/ella at luttaka á kundavitjanum, so tú fær innlit í virðisketuna hjá føroysku útflutningsvinnuni.
Vit vænta
Vit eru framsøkin og tí kann tað til tíðir ganga skjótt fyri seg. Tí vænta vit at tú ert ágrýtin, forvitin at læra og er áhaldandi, tá ið á stendur. Tú hevur eisini lætt at fella í prát við onnur og dámar væl at selja.
Miðnámsprógv er eitt krav fyri at søkja læruplássið. Harumframt er neyðugt, at tú dugir væl at orða teg í skrift og talu á føroyskum, donskum og enskum.
Setanarviðurskifti
Lærutíðin er 2 ella 2,5 ár í mun til útbúgving og læruplássið verður lønt sambært sáttmála hjá S&K. Skúlagongdin (8 vikur) fer fram í Roskilde. Eftir lokna lærutíð, ognar tú tær eina viðurkenda skrivstovuútbúgving innan Shipping og handil, ið gevur tær góðar framtíðarmøguleikar innan hesa spennandi vinnu.
Umsóknarfreistin
Umsóknarfreistin er 15. juni 2020. Vit viðgerða umsóknir leypandi og læruplássið verður sett skjótast til ber.
Hevur tú spurningar til læruplássið, kanst tú ringja til søluleiðaran á Smyril Line Cargo, Ivan Fossabrúgv, á 239611.
Umsókn og lívsrensl við meira skal sendast til ifo@cargo.fo. Vit gleða okkum at hoyra frá tær