Vit hava 34 Nordic luksuskømur, ið liggja á dekk 8, og øll hava frálíkt útsýni. Hvørt kamar hevur eina stóra dupultsong (180x200 cm), umframt eina song, sum kann trekkjast út úr sjálvari dupultsongini (80x190 cm). Kamarið hevur eisini ein hugnakrók í vindeygakarminum, eitt borð og tveir stólar, okkurt leskiligt er eisini í kamarinum, egið wc og bað umframt hárturkara og stikk til rakimaskinu. Kann bíleggjast til upp til 3 fólk.
Eitt rúmligt kamar við dupultsong (160x200 cm), sovisofu (130x210 cm) og kaffimaskinu, og okkurt leskiligt er eisini í kamarinum. Kamarið hevur egið wc og bað, hárturkara og stikk til rakimaskinu. Kann bíleggjast til 2-4 fólk, ið ger kamarið sera hóskandi til familjur við børnum.
Kamar við dupultsong (140x200 cm). Kamarið hevur vindeyga, flatskerm, skriviborð, klædnaskáp, egið wc og bað við brúsu umframt hárturkari og stikk til rakimaskinu.
Vit hava tvær stásiligar Nordic svitur. Hvør svita hevur eitt sovikamar við dupultsong (180x200 cm) og eina stovu við hornasofu, stóli, flatskermi, spísiborði og skriviborði, og okkurt leskiligt er eisini í svituni. Baðirúmið hevur bæði brúsu og baðikar, wc, hárturkara og stikk til rakimaskinu. Nordic Svitan kann bíleggjast til 2 fólk.
Norröna Svitan er rúmlig, og pláss er fyri fimm fólkum. Norröna Svitan hevur eitt sovikamar við dupultsong (180x200 cm), umframt eina song, sum kann trekkjast út úr sjálvari dupultsongini (80x190) og eitt minni kamar við einari koyggjusong (80x200 cm) til børn. I hugnaligu stovuni er ein sofa, lenistólar, spísiborð og okkurt leskiligt. Flatskermur er bæði í stovuni og í sovikamarinum. Harumframt hevur svitan eitt rúmligt baðirúm við bæði baðikari og brúsu, wc, hárturkara og stikk til rakimaskinu. Norröna Svitan kann bíleggjast til upp til 5 fólk.
