Treytir fyri vetrarsigling til Íslands

Gevið gætur! Tað kann koma fyri, at ferðin úr Føroyum til Íslands verður seinkað, framskundað ella avlýst grundað á veðurlíkindi, ið tarna tryggari ferðslu.  Hetta kann bera við sær, at ferðandi kunnu fáa óvæntaðar útreiðslur. Undir slíkum umstøðum, kann Smyril Line ikki ábyrgdast av at veita endurgjald ella bjóða aðrar ferðamøguleikar ella syrgja fyri innivist. Hesar útreiðslur verða at gjalda av tí ferðandi sjálvum. Smyril Line fer tó at bjóða ferðandi, ið á henda hátt verða tarnaði í at ferðast víðari til Íslands, at búgva umborð á Norrønu, við teirri treyt, – at ein rímiligur prísur verður goldin fyri vistarhald.
 
Broytingar kunnu koma fyri í ferðaætlanini, tí hædd altíð verður tikin fyri tryggari ferðslu. Um broytingar eru í hendi, verða ferðandi støðugt kunnaði – bæði undan og undir ferðini. 
 
Um skipið Norrøna t.d. ikki fer til Íslands í eina viku og ferðandi umborð ynskja at koma til Íslands  sum skjótast, rindar Smyril Line ikki fyri eina møguliga ferð við flogfari – hesari má kundin sjálv/ur rinda fyri. Um ferðandi í slíkum føri hevur bil við, ið viðkomandi ynskir at flyta við skipinum til Íslands, syrgir Smyril Line saman við kundanum fyri, at bilurin verður fluttur til Íslands næstu ferð Norrøna siglir, uttan kostnað fyri kundan.
 
Um ferðandi við Norrønu, verður veðurfastur í Íslandi, rindar Smyril Line ikki útreiðslurnar í hesum sambandi, so sum gistingarhús, mat v.m. Smyril Line, hjálpir at finna innivist, um tað verður neyðugt.

Máltíðir bílagdar áðrenn fráferð

Um máltíðir eru bílagdar áðrenn fráferð og ferðin til ella frá Íslandi er avlýst av Smyril Line, verður kostnaðurin fyri máltíðirnar endurrindaður.

Katalog

Translate_Please_enter_your_credentials_to_receive_your_free_catalogues

Vit nýta farspor (cookies) til tess at veita tær eina góða uppliving á okkara heimasíðum, umframt at kunna greina vitjanir og geva lýsingum og innihaldi ein persónligan dám. Um tú ynskir at kunna teg nærri um hvussu vit nýta hesi farspor, og hvussu tú kanst gera hesi óvirkin, kanst tú vitja www.smyrilline.fo/kundataenastan/treytir-og-kunning/privatlivspolitikkur. Heldur tú áfram at nýta okkara heimasíðu, skilja vit hetta sum at tú góðtekur omanfyristandandi.

Í lagi