Country: Tematúrar

Tað at koma umborð á Norrönu at spæla sjavs, er vorðin fastur táttur hjá sjavsspælarum úr øllum landinum.

Næsti sjavstúrur verður umborð á Norrönu 20. – 24. mars, og leiðin gongur til Danmarkar. Kappast verður um føroyameistaraheitið í sjavs, og vinningarnir eru nógvir og góðir.

Við í prísinum er 3 x morgunmatarbuffet og 3 x kvøldarbuffet, so tað einasta tú skalt hugsa um, er at keypa tær ferðaseðilin. Vit hava orðna alt annað. Sí skánna niðanfyri.

Fá pláss eru eftir, so tað er at skunda sær.

Sum nakað heilt nýtt bjóða vit ein binditúr til Íslands 12. til 15. mai — ein túrur, har hugni, íblástur og felagsskapur við stokkum eru í miðdeplinum. Tú býrt umborð, meðan Norröna liggur við bryggju á Seyðisfirði frá mikumorgni til hóskvøld, og tú fært hópin av spennandi upplivingum bæði umborð og á landi.

Undirhald umborð

Vit hava savnað nakrar spennandi røddir innan føroyska bindiheimin.

• Elspa Petersen greiðir frá Marjunarbinding
• Katrina í Geil hevur fyrilestrar um yndistroyggjur
• Herborg Torkilsdóttir skipar fyri “Tógv og tónar”

Harumframt verða kappingar, hugni og livandi tónleikur um kvøldið.

Útferðir á Eysturlandinum

Meðan Norröna liggur við bryggju í Seyðisfirði frá mikumorgni til hóskvøld, fara vit út at uppliva okkara nærmasta grannaland. Vit vitja á áhugaverdum støðum, sum kunnu setast í samband við binding, og koyra eisini ein túr til serstaka náttúrubaðið Vök Baths. Har fært tú møguleikan at njóta vælveru mitt í íslendsku náttúruni.

Buffet allan túrin

Morgunmatar- og kvøldarbuffet er íroknað allan túrin.

Kom við á Countrycruise 13.–17. mars – ein túrur fyltur við allarbesta countrytónleiki, góðum dansi og hugnaligum stemningi umborð.

Hallur Joensen við bólki stendur fyri tónleikinum, og saman fara teir at spæla kend løg sum “Kyss ein eingil hvønn morgun”, “Um tú hevur tað sum eg” og fleiri aðrar slagarar. Vit vænta eisini, at dansigólvið verður fult av vældansandi ferðafólki, sum stuttleika sær.

Ingi Samuelsen verður eisini við. Hann heldur ein áhugaverdan fyrilestur og setur dám á kvøldini við klassiskum countrytónum. Ingi er væl kendur frá útvarpssendingini Jambalaja og dugir serstakliga væl at skapa rætta stemningin.

Tryggja tær pláss á Countrycruise – vit gleða okkum at síggja teg umborð!

Kom umborð á Norrönu og uppliv sjómanshugnan. Vit ferðast aftur á slóðina, har fleiri av okkara sjómonnum hava siglt í áratíggju – ein túrur, sum bindur søgu, minnir og felagsskap saman.
Gomlu skipini og trækoyggjurnar eru nú skift út við okkara stásiliga flaggskip og nýmótans hentleikar: rúmlig kømur, matstovur, caféir, hitapottar og svimjihyl. Her fært tú góðar umstøður og møguleikan at uppliva ein serstakan og søguligan túr.

Undirhald á túrinum

Á skránni eru bæði framløgur og hugnaligar løtur við sangi og tónleiki. Jógvan Arge, Jóan Pauli Joensen, Janus Jensen og Sonny Johannesen fara at siga frá, og John Danielsen fer at standa fyri undirhaldi og felagssangi. Eisini luttekur Robert McBirnie við sangi og tónleiki.

Útferðir á Eysturlandinum

Vit steðga í hálvtannað samdøgur í Íslandi, og útferðir verða gjørdar til Reyðarfjarðar og Eskifjarðar, har vit vitja fleiri áhugaverd søvn.

Sum siður er, vitja vit eisini grøvina hjá teimum sjey av manningini á Riddaranum, sum sjólótust tann 25. september 1927 uppi við Fagranes á Langanesi. Hetta er altíð ein virðilig og minnilig løta.

Buffet allan túrin

Morgunmatar- og kvøldarbuffet er íroknað allan túrin.

Vælkomin á eina minnisríka ferð til Eysturlandið – ein túrur, har vit hava hugsað um alt frá byrjan til enda. Vit bjóða eina spennandi skrá við góðum undirhaldi umborð og áhugaverdum útferðum, har ferðafrásøgnir verða á føroyskum. Morgun- og kvøldarbuffet eru sjálvandi íroknað á allari ferðini, so tú kanst bara slappa av og njóta løturnar umborð.

Tað er avmarkað pláss á hesum vælumtókta túrinum, so vit viðmæla at bíleggja pláss skjótast til ber.

Uppliv Eysturlandið við ferðaleiðara

Við Tóru Tóroddsdóttir sum ferðaleiðara vitja vit vakra økið við Mývatn, har Tóra er uppvaksin og greiðir frá náttúruni og lívinum í økinum. Eisini fara vit til Egilsstaðir, har møguleiki verður at vitja Vök Baths – eitt serligt náttúrubað við heitum hyljum og vøkrum útsýni yvir Urriðavatn.

Undirhald umborð

Umborð fer Theodor Eli Dam Olsen at hugleiða um lívið, og Jógvan við Keldu greiðir frá Læknastríðnum í Klaksvík. Martin Joensen fer at hava konsert, og tað verður felagssangur við Ólavi Højgaard og Vestmonnum – sum eisini spæla upp til dans.

Komið umborð og uppliv gospeltónleik við nøkrum av okkara bestu tónleikarum 6. – 10. mars.

Hugni og tónleikur verður frá morgni til myrkurs, og tá tit vilja hvíla oyruni, kunnu tit leita tykkum inn í eina av okkara matstovum, tí morgun- og kvøldarbuffet er íroknað á allari ferðini.

Meðan Norröna liggur við bryggju í Hirtshals, verður høvi at vitja hugnaligu gøngugøtuna, og fyristøðufólkini í samkomuhúsinum, Malta, bjóða øllum vælkomin á gátt.

Tónleikarar á túrinum

Magni Christiansen, Terje B. Vestergaard, Anita Kristensen (Noreg), Bill Justinussen, Blátt Gras, Krista og Sámal Hanni Lognberg, Dupultkvartettin, Petur Hans Hansen, Gadders, Ekklesia og Eyðun Jacobsen.

Sí skránna niðanfyri.