Ferðast til Íslands í páskafrítíðini og njótið eina avslappandi og hugnaliga ferð saman við familjuni. Umborð á Norrönu kunnu tit spæla borðspøl, fara í biograf, svimja ella bara njóta tíðina saman. Størri børnini kunnu spæla PlayStation í Undirhúsinum, meðan tey smærru hava tað stuttligt á spæliplássinum í Nóatúni.
Svimjihylar og náttúrubað
Á Eysturlandinum eru fleiri heitir svimjihylar og náttúrubað, sum eru ein vitjan verd. Í Seyðisfirði er ein lítil svimjihøll, men á Egilsstøðum og á Eyskifjörðinum eru eisini uttandura svimjihylar við rutsjibanum. Uttan mun til vind og veður er tað ein lekkur uppliving. Á Egilsstøðum liggur Vök, og eitt sindur longri burtur liggur náttúrbaðið Jarböðin, ið ofta verður kallað ”Lítla Bláa Lónið”. Ger sum tey lokalu; læt kroppin flóta í flógva vatninum, tak tær av løttum og njót lívið.
31. mars – 3. apríl
Úr 499,-
Íroknað
- Prísur fyri hvønn
- Cruise til Íslands og aftur
- Kamar uttan vindeyga
Tilkeyp
- 1 bilur <1,9m H & 5m L 599,-
Ferðaætlan
Norröna fer av Havnini týsdag á middegi og kemur til Seyðisfjarðar mikumorgun. Skipið liggur við bryggju til hóskvøld, og tit búgva umborð allan túrin. Fríggjadag seinnapart kemur Norröna aftur til Havnar.
Upplivingar
á Eysturlandinum
Seyðisfjörður
Norröna leggur at á Seyðisfirði. Sjálvur fjørðurin er áleið 17 kilometur langur. Á heimasíðuni hjá Visit Seyðisfjørði ber til at lesa meira um fjørðin, fjøllini og aðrar upplivingar á staðnum.
Vök Baths
Tak tær av løttum í friðsæla náttúrubaðumhvørvinum Vök. Náttúrubaðið er ein jarðhitamiðdepil, sum liggur beint við Egilsstaðir. Einans 30 km frá Seyðisfirði. Náttúrubaðið Vök fær hitaorku sína úr jarðhitaumhvørvinum í økinum. Her kanst tú njóta framúr góða útsýnið yvir sjógvin og vakra landslagið.
Jarðböðin við Mývatn
Náttúrubaðið Jarðböðin í Mývatn verður ofta kallað: “Lítla Bláa Lónið”. Um tú leitar eftir eini serstakari baðuppliving fyri rímiligan prís, viðmæla vit at tú vitjar náttúrubaðið Jarðböðin, har tú sleppur undan at stilla teg í bíðirað. Tað tekur umleið 2,5 tímar at koyra til Mývatn frá Seyðisfirði.
Egilsstaðir
Úr Seyðisfirði tekur tað einans ein hálvan tíma at koyra til Egilsstaðir. Sí koyrivegleiðing. Har eru góðir møguleikar til shopping, og so er ein góður svimjihylur í nánd. Eisini er nógv søguligt at síggja og vøkur náttúra. Náttúrubaðið Vök liggur einans fáar minuttir við bili frá Egilsstaðir.
Eskifjörður
Ein tíma við bili sunnan fyri Seyðisfjörð liggur Eskifjörður, sum hevur ymiskt áhugavert at bjóða, hóast tað er ein lítil býur. Svimjihylurin í býnum hevur tveir hitapottar, rutsjubana, og ein langhyl á 25 metrar. Í vetrarhálvuni ber eisini til at standa á skíð.
